John Wayne

John Wayne
Geboortenaam	Marion Robert Morrison
Alias	Duke; Duke Morrison
Geboorte	26 Mei 1907 Winterset, IA (VSA)
Sterfte	11 Junie 1979 Los Angeles, CA (VSA)
Nasionaliteit	Amerikaans
Beroep(e)	Akteur, regisseur, rolprentvervaardiger
Rolprente	True Grit, The War Wagon
Webwerf	www.johnwayne.com
Toekennings	Oscar & Golden Globe vir True Grit
Internet-rolprentdatabasis-profiel

John Wayne (1907 – 1979) was 'n Oscar- en Golden Globe-bekroonde Amerikaanse rolprentakteur. Hy was die verpersoonliking van robuuste manlikheid en het 'n blywende Amerikaanse ikoon geword. Hy is beroemd vir sy kenmerkende stem, stap en lengte. Hy was ook bekend vir sy konserwatiewe politiese sienings en sy ondersteuning vir anti-kommunistiese posisies in die 1950's.

Sy loopbaan het met stilprente in die 1920's begin en hy was 'n beroemde rolprentster van die 1940's tot die 1970's. Hy word veral geassosieer met Wilde Weste-prente en oorlogprente, maar hy het ook in 'n wye verskeidenheid ander rolprente verskyn: biografieë, romantiese komedies, polisiedramas en ander. Hy het nou saam met die regisseurs John Ford en Howard Hawks gewerk. Saam met Hawks maak hy die beroemde trilogie: Rio Bravo, El Dorado en Rio Lobo. Alhoewel Wayne in byna 200 rolprente verskyn het, het hy slegs een keer 'n Oscar-toekenning gewen: as beste manlike hoofrol in True Grit (1969). Hy is ook vir dieselfde toekenning genomineer vir sy rol in Sands of Iwo Jima (1950) en as beste produsent vir The Alamo (1960).

Te wyte aan sy kettingrokery is Wayne in 1964 gediagnoseer met longkanker: hy het 'n operasie ondergaan waartydens sy linker long verwyder is. Vyftien jaar later word hy met maagkanker gediagnoseer en beswyk hy op 72-jare ouderdom daaraan.

In 1999 het die American Film Institute Wayne tot die 13de geweldigste manlike ster ter aller tye benoem.

Hierdie artikel is ’n saadjie. Voel vry om Wikipedia te help deur dit uit te brei.